Logo
१४ मंसिर २०७९, बुधबार
     Wed Nov 30 2022
E-paper
  English Edition
   Unicode
Logo

मकर सङ्क्रान्तिका अवसरमा ‘बाह्रराशि दर्शन मकर मेला’ हुने



१९ मङ्सिर,धनगढी। कैलालीको प्रशिद्ध धार्मिकस्थल गोदावरी धाममा आगामी मकर सङ्क्रान्तिका अवसरमा ‘बाह्रराशि दर्शन मकर मेला’ आयोजना गर्ने तयारी गरिएको छ ।

धाम क्षेत्रमा शनिबार बसेको सर्वपक्षीय बैठकले माघ १ देखि १२ गतेसम्म बाह्रराशि दर्शन मकर मेला आयोजना गर्न आवश्यक तयारी गर्ने निर्णय गरिएको साहित्यकार एवम् समाजसेवी पदमराज जोशीले बताउनुभयो ।

गोदावरी धाममा प्रत्येक १२ वर्षमा महाकुम्भ, प्रत्येक छ वर्षमा अर्धकुम्भ मेला र प्रत्येक वर्ष बाह्रराशि दर्शन मकर मेला गर्ने निर्णयसमेत उक्त बैठकले गरेको छ ।

प्रत्येक वर्ष कुनै एक राशिमा कुम्भमेलाको योग पर्ने भएकाले प्रत्येक वर्ष कुम्भमेलाको प्रतीकका रुपमा १२ दिवसीय बाह्रराशि दर्शन मेलाको आयोजना गर्ने गरी तयारी गर्न लागिएको जोशीले बताउनुभयो ।

यसका लागि गोदावरी धाममा बाह्रराशिको स्थापना गर्ने, प्रत्येक राशिका व्यक्तिलाई दर्शन एवम् पूजाको व्यवस्था मिलाउने, त्यहाँ स्थापना गरिएको कुम्भवाटिकामा बाह्रराशि र नवग्रह, २७ नक्षेत्र र बाह्र आदित्यको स्थापना गरी दर्शन एवम् पूजाको व्यवस्था गर्ने तयारी गरिएको छ ।

बाह्रराशि दर्शन मकर मेलाको आयोजनाबाट गोदावरी धाममा प्रत्येक राशिका मानिसले आ–आफ्नो राशिअनुसार पूजा गर्न पाउने भएका छन् । यसका साथै लक्ष्यह्वन तथा श्रीमद् भागवत महापुराणको समेत आयोजना गरिनेछ । यस्तै बैठकले गोदावरी धामको बृहत् विकासका लागि गोदावरी धाम विकास समिति गठन गर्ने निर्णयसमेत गरेको छ । यो क्षेत्रमा गत वर्ष कुम्भ दर्शन मेला गरिएको थियो । रासस


यो खबर पढेर तपाईलाई कस्तो महसुस भयो ?

काठमाडौं । अघिल्लो निर्वाचनमा नेपाली कांग्रेस तीनै तहको सरकारमा दोस्रो स्थानमा सीमित हुन पुगेको

काठमाडौं । हालसम्ममा जम्मा दुई लघुवित्त वित्तीय संस्थाले मात्रै गत आर्थिक वर्ष २०७८/७९ सम्मको

काठमाडौं । काठमाडौंमा मोटरसाइकल दुर्घटनामा परी २ जनाको मृत्यु भएको छ । गोकर्णेश्वर नगरपालिका–४