हामी सबैकाे संसारन्यूज

१८ मङ्सिर, काठमाडौँ । भूमिसुधार तथा मालपोत कार्यालय, भक्तपुरमा कार्यरत नायब सुब्वा नारायणराज मिश्र र कार्यालय सहयोगी भाईकाजी गौतम घुस सहित पक्राउ परेका छन् ।

मालपोत कार्यालय भक्तपुरमा कार्यरत नायब सुब्वा मिश्रले सेवाग्राहीको मोही लगत कट्टा गर्ने प्रयोजनका लागि सोही कार्यालयमा कार्यरत कार्यालय सहयोगी भाईकाजी गौतमले घुस माग गरेको भन्ने उजुरीका आधारमा अख्तियार दुरुपयोग अनुसन्धान आयोगको अनुसन्धान गर्दा निजहरुले सेवाग्राहीबाट रु ४० हजार घुस लिइसकेको अवस्थामा पक्राउ गरेको हो ।

पक्राउ परेका निजहरुमाथि थप अनुसन्धान भइरहेको अख्तियारले जनाएको छ ।