हामी सबैकाे संसारन्यूज

बीके मुखिया,वाङदे, दार्जिलिङ,भारत

प्यारमा वाचा गऱ्यौ सब बहानाझैँ भयो
प्रेम गर्ने आज पागल दिवानाझैँ भयो

प्रेमको बन्धन थियो एक झट्कोमा टुट्यो
जातको पर्खाल हाम्रो सिमानाझैँ भयो

साथ जिउने साथ मर्ने कसम तोडी गयौ
रेटिएँ म यादमा मुटु निसानाझैँ भयो

काम खोज्दै गाउँ छाडी सहर लाग्छन् युवा
आज तिनको जिन्दगी कारखानाझैँ भयो

देशमा नेता खुबै मोजमस्ती गर्दछन्
देशको सम्पत्ति उनकै खजानाझैँ भयो

बहर : मदिद मुसम्मन सालिम
अर्कान : फाइलातुन् , फाइलुन् , फाइलातुन् , फाइलुन् ,
वजन : २१२२ – २१२ – २१२२ – २१२
काफिया बन्धन : आना
तहलिली रदिफ : झैँ
रदिफ : भयो
अभ्यास : उज्यालो पाठशाला