Sansar News
धनसिंह गिरि,दाङ
जुन मनुज छन् काव्य रच्ने कल्पनामा छन् खुसी
मक्ख पर्दै आज स्रष्टा सिर्जनामा छन् खुसी
राम्रो रचना गर्छु भन्ने ध्यान गर्दै रातदिन
लेखरचना गर्न खातिर साधनामा छन् खुसी
दूर बस्छिन् मेरी प्यारी भेट हुन्न आजकल
एक हुन् ती मात्र मेरो सम्झनामा छन् खुसी
दुःख पर्दा हामी हेर्छौँ खास जसले भन्दथे
ती मनुज नै आज मेरो वेदनामा छन् खुसी
धर्म गर्ने आज जो छन् मन लगाई रातदिन
बाबु आमा ईशको सब अर्चनामा छन् खुसी
बहर : रमल मुसम्मन महजुफ
वजन : २१२२ – २१२२ – २१२२ – २१२
काफिया : अना
तहलिली रदिफ : मा
रदिफ : छन् खुसी
अभ्यास : परिश्रमी पाठशाला
वि.सं.२०८३ जेठ १६ शनिवार ०७:०९ मा प्रकाशित
