हामी सबैकाे संसारन्यूज

२० मंसिर, काठमाण्डौं । चारखाल मालपोत कार्यालय छेउ इचिबान नामको रेष्टुरेण्ट छ । यसलाई नेपाली वास्तुकला झल्कने मयुर झ्याल, आँखी झ्याल आदिले सजाइएको छ ।

भित्र पस्दा रिसेप्सनको ठिक पछाडि भित्तामा नौ वटा हार लगाएर इँटा टासिएका छन् । टाँसिएका इँटाको छेउछेउमा फ्रेम हालेर आकर्षक देखाइएको छ । प्रत्येक इँटामा ‘श्री ३ चन्द्र’ लेखिएको छ । हलको बीचतिर पनि यस्तै इँटाले सजाइएको छ । प्राचिन स्मारक संरक्षण ऐन २०१३ का अनुसार पुरातात्विक सम्पदामा प्रयोग गरिएका कुनैपनि वस्तु व्यक्तिका घरमा वा व्यवसायिक प्रयोजनमा लगाउनु गैरकानुनी हो । ‘पुरातात्विक महत्वका सामान व्यक्तिको घरमा राख्नु पाइँदैन ।’ पुरातात्विक विभागका प्रवक्ता राम बहादुर कुँवरले भने ।

इचुबानका रेष्टुेष्ट सञ्चालक कमार कट्टेलले आफूले किन्दा नै इँटा यसरी नै रहेको बताएका छन् । ‘हामीले किन्दा यहाँ यसैगरी इँटा सजाइएको थियो,’ उनले भने, हामीले सञ्चालन गरेको एकवर्ष मात्र भयो ।’ पुरातात्विक महत्वका सामाग्रीको कसरी दुरुपयोग भइरहेको छ भने उदाहरण हो यो । शुक्रबारको कान्तिपुर दैनिकबाट