Sansar News
३० मसिंर, काठमाडौँ । सरकारले विश्वविद्यालयको सम्बन्धन प्रक्रियालाई कसिलो बनाउने भएको छ ।
हालै सार्वजनिक भएको शिक्षा नीतिले विश्वविद्यालय एक्लाईले निर्णय गरेर निजी तथा समुदायलाई सम्बन्धन दिन पाउने व्यवस्था अन्त्य गर्ने बताएको छ ।
नीतिमा उल्लेख भएअनुसार सामान्यतया विश्वविद्यालयलाई सम्बन्धन नदिने संस्थाको रुपमा विकास गरिने बताइएको छ । सम्बन्धन दिनै पर्ने अवस्थामा विश्वविद्यालय अनुदान आयोगको पूर्व स्वीकृतिमा औचित्य पुष्ट्याइँ भएपछि मात्र निर्णय गरिने नीतिमा उल्लेख छ ।
यो व्यवस्था कार्यान्वयनमा आएमा आफ्नो आंगिक क्याम्पस नभए पनि निजी क्षेत्रलाई सम्बन्धन मात्र बेचेर चलिरहेका विश्वविद्यालयलाई समस्या पर्नेछ । अहिले मुलुकभर ११ वटा विश्वविद्यालय सञ्चालनमा छन् । सोमबारको राजधानी दैनिकबाट
वि.सं.२०७६ मंसिर ३० सोमवार ०८:३४ मा प्रकाशित
