back

गोरखामा फुटबल प्रशिक्षणका लागि कृत्रिम घाँसे मैदान बन्ने

वि.सं.२०७६ पुस ३ बिहीवार

249 

shares
RBB AD
NTC AD
Rastriya Swastha Sikshya Suchana Tatha Sanchar Kendra

३ पुस, गोरखा । गोरखामा फुटबल प्रशिक्षणका लागि कृत्रिम घाँसेमैदान निर्माण गरिने भएको छ । गोरखा नगरपालिका–९ दल भन्ञ्याङमा द ओसन क्बलले घाँसे मैदान निर्माण गर्न लागेको क्बलका अध्यक्ष अमित खत्रीले जानकारी दिए । “क्बलले आफ्नै सक्रियतामा विश्व फुटबल महासङ्घ (फिफा) को अन्तर्राष्ट्रिय मापदण्डअनुसारको खेल मैदानमा कृत्रिम घाँस विछ््याउन लागेको हो”, उनले भने, “कृत्रिम घाँस चीनबाट ल्याउने तयारी भइरहेको छ ।”

क्बलले ४६ मिटर लम्बाइ र २३ मिटर चौडाइ रहेको मैदानमा घाँस विछ््याउन लागेको उनले जानकारी दिए । “वर्षायामको समयमा हाल रहेको मैदानमा खेलाडीलाई नियमित फुटबल प्रशिक्षण दिन समस्या हुँदै आएको छ”, अध्यक्ष खत्रीले भने, “अहिले पनि ४० जनालाई नियमित प्रशिक्षण दिँदै आएका छौं तर जव पानी पर्छ, मैदान हिलो र लामो समय पानी नपर्दा मैदान धुलो भएर समस्या हुन थालेपछि घाँस विछ््याउन लागिएको हो ।”

चार महिनाभित्रमा मैदान निर्माण सम्पन्न गर्ने योजना रहेको उनको भनाइ थियो । मैदान निर्माणका लागि गोरखा नगरपालिकाले निःशुल्क जग्गा उपलब्ध गराएको अध्यक्ष खत्रीले बताए । नगरपालिकाले उपलब्ध गराएको जग्गामा खेल मैदानसँगै पौडी पोखरी, जिम हलसहितको भवन बनाउने योजना क्बलले बनाएको उनले बताए । “मैदानलाई भाडामा पनि प्रयोग गर्न सकिने व्यवस्था गर्न लागिएको छ ”, उनले भने ।

घाँसे मैदान निर्माण गर्न घाँस खरीदका लागि मात्र १६ लाख रुपैया लाग्ने अनुमान गरिएको क्बलले जनाएको छ । बाँकी अन्य कामका लागि गरी कूल ३१ लाख २२ हजार खर्च हुने उनले जानकारी दिए । मैदान निर्माणका लागि आवश्यक पर्ने रकमका लागि सहयोग सङ्कलन गर्दै आएको उनको भनाइ थियो । “अहिलेसम्म रु १८ लाख जुटिसकेको छ”, अध्यक्ष खत्रीले भने, “बाँकी रकम सहयोग जुटाउने काम भइरहेको छ ।’

घाँसे मैदान निर्माणका लागि गोरखा नगरपालिका गोरखाले रु सात लाख उपलब्ध गराएको छ । त्यस्तै वडा कार्यालय र पालुङटार नगरपालिकाले एक÷एक लाख उपलब्ध गराउने जनाइएको छ । उनले भने” अन्य क्षेत्रबाट पनि सहयोग रकम जुटिरहेको छ । कृत्रिम घाँसे मैदान बनेसँगै युवा फुटबल प्रशिक्षण कार्यक्रम नियमित सञ्चालन गर्न सहज हुने खत्रीले बताए । क्बलले जिल्लामा लामो समयदेखि युवालाई फुटबल प्रशिक्षण दिँदै आएको छ ।

वि.सं.२०७६ पुस ३ बिहीवार १५:४९ मा प्रकाशित

NLIC AD
NABIL bank AD
ADBL AD
अनलाइन मार्फत् ठगी गर्ने महिला पक्राउ

अनलाइन मार्फत् ठगी गर्ने महिला पक्राउ

दमौली (तनहुँ) । जिल्ला प्रहरी कार्यालयले अनलाइन मार्फत् ठगी गर्ने...

अचानक फार्मबाट बाइस हजार ब्रोइलर कुखुरा मरे,  अझै मर्न सक्ने सम्भावना

अचानक फार्मबाट बाइस हजार ब्रोइलर कुखुरा मरे, अझै मर्न सक्ने सम्भावना

नवलपुर (नवलपरासी) । नवलपरासी (बर्दघाट–सुस्तापूर्व)को विनयी त्रिवेणी गाउँपालिका–४ धारापानीमा करिब...

बेनी-जोमसोम सडक चार ठाउँमा अवरुद्ध

बेनी-जोमसोम सडक चार ठाउँमा अवरुद्ध

म्याग्दी । उत्तर–दक्षिण जोड्ने राष्ट्रिय गौरवको कालीगण्डकी करिडोरअन्तर्गत बेनी–जोमसोम–कोरला सडकको...

पालिकाद्वारा घाँसखेती गर्ने किसानलाई अनुदान

पालिकाद्वारा घाँसखेती गर्ने किसानलाई अनुदान

तनहुँ । जिल्लाको भानु नगरपालिकाले पशुपालक ३७ जना किसानलाई घाँसखेती...

गण्डकीमा बाढी पहिरोमा परी ३८ जनाको मृत्यु

गण्डकीमा बाढी पहिरोमा परी ३८ जनाको मृत्यु

गण्डकी । यही असार १ गतेदेखि हालसम्म भएका मनसुन्य विपद्का...