back

जापानी प्रधानमन्त्री आवेले अमेरिकी पर्ल हार्वरको भ्रमण गर्ने

वि.सं.२०७३ मंसिर २१ मंगलवार

60 

shares
Global IME AD
NMB Bank Limited Long Ad Banner

२१ मंसिर, टोकियो (जापान) । जापानका प्रधानमन्त्री सिन्जो आवेले डिसेम्बर २६ र २७ मा अमेरिकी नौ सेनाको हवाईस्थित शिविरको भ्रमण गर्नु हुनेभएको छ ।

आवे जापानले अमेरिकी नौसेनाको शिविरमा सन् १९४१ मा आक्रमण गरेपछि हवाईस्थित उक्त शिविरको भ्रमण गर्ने पहिलो जापानी उच्च अधिकारी हुनु हुनेछ ।

जापानी प्रधानमन्त्री आवेले हवाई आक्रमण भएको ७५ औँ वर्ष पुग्नुभन्दा ठिक दुई दिन पहिले अप्रत्यासित रूपमा अमेरिकी राज्य हवाईको भ्रमण गर्ने विषयबारे एक संक्षिप्त विज्ञप्ति जारी गरी सोमबार जानकारी गराउनुभएको हो ।

अमेरिकी राष्ट्रपतिका रूपमा करिब छ महिना पहिले वर्तमान राष्ट्रपति बाराक ओबामाले दोस्रो विश्वयुद्धको अन्त्यतिर सन् १९४५ मा जापानविरुद्धको आक्रमणमा जापानी सहर हिरोसिमा र नागासाकीमा बम खसालेको स्थानको भ्रमण गर्नुभएको थियो । उक्त आक्रमणमा एक लाखभन्दा बढी जापानी नागरिकको मृत्यु भएको थियो ।

अमेरिकी राष्ट्रपति बाराक ओबामा र आवेले हवाईमा सँगै भ्रमण गर्ने आवेको निकटस्रोतले बताएको छ । भ्रमणबारे सञ्चारकर्मीलाई जानकारी गराउँदै जापानी प्रधानमन्त्री आवेले भन्नुभयो, “जापान कहिल्यै पनि युद्धका दुःखद घटनालाई प्रोत्साहित गर्ने छैन । म यो प्रतिबद्धतासहितको सन्देश सबैमा दिन चाहन्छु । यति नै बेला मैले जापान र अमेरिकाबीचको पुनःमिलनको खबर विश्वसामु प्रवाह गर्न चाहन्छु ।”

ह्वाइट हाउसले पनि डिसेम्बर २७ मा ‘दुई नेता’ (ओबामा र आवे) ले हवाई नौसैनिक आधार शिविरको भ्रमण गर्ने कार्यक्रम रहेको पुष्टि गरेको छ ।

जापानले हवाईस्थित सैनिक अखडामा गरेको आक्रमणमा दुई हजार ३०० भन्दा बढी अमेरिकी अधिकारीको मृत्यु भएको थियो । अमेरिकी राष्ट्रपति बाराक ओबामा र जापानी प्रधानमन्त्री आवे डिसेम्बर २७ को बिहानै हवाईस्थित नौसैनिक शिविरको भ्रमण गर्ने र बिहान ७ः५५ बजे केही क्षण मृतकको सम्झनामा एक मिनेट मौनधारण गरिनेछ । मौनधारणपछि जापानी प्रधानमन्त्रीले उक्त शिविरको निरीक्षण गर्नु हुनेछ ।

भ्रमणबारे सञ्चारकर्मीसँग बोल्दै जापानी प्रधानमन्त्री आवेले भन्नुभयो, “अमेरिकी राष्ट्रपतिसहितका अधिकारीसँग हवाईमा हुने हाम्रो कुराकानी जापान र अमेरिकाबीच भविष्यमा अहिलेसम्मकै मजबुत सहकार्य हुने कुरा विश्वलाई जानकारी दिने एक क्षण बन्नेछ ।” एपी

वि.सं.२०७३ मंसिर २१ मंगलवार ०३:२२ मा प्रकाशित

मध्य गाजाको नुसिरात शरणार्थी शिविरमा इजरायली आक्रमणमा १७ को मृत्यु

मध्य गाजाको नुसिरात शरणार्थी शिविरमा इजरायली आक्रमणमा १७ को मृत्यु

गाजा । मध्य गाजापट्टीको नुसिरात शरणार्थी शिरिमा एक घरमा इजराइलले...

तीव्र आँधीको आशङ्कामा मरिससद्वारा उडानहरू रद्द

तीव्र आँधीको आशङ्कामा मरिससद्वारा उडानहरू रद्द

पोर्ट लुइस (मरिसस) । मरिससले बिहीबार हिन्द महासागरको द्वीपमा बलियो...

अन्तरिक्षमा आणविक हतियार राख्ने रुसको कुनै मनसाय छैन : पुटिन

अन्तरिक्षमा आणविक हतियार राख्ने रुसको कुनै मनसाय छैन : पुटिन

मस्को । रुसका राष्ट्रपति भ्लादिमिर पुटिनले अन्तरिक्षमा आणविक हतियार राख्ने...

चीनमा तापक्रम घटेपछि गम्भीर मौसमी चेतावनी जारी

चीनमा तापक्रम घटेपछि गम्भीर मौसमी चेतावनी जारी

बेइजिङ । चीनको दक्षिणी भागमा तापक्रम घटेपछि र बेइजिङमा हिउँ...

डब्लुएचओद्वारा इथियोपियामा प्रकोप विरुद्ध लड्न १७ वटा हैजा उपचार केन्द्र स्थापना

डब्लुएचओद्वारा इथियोपियामा प्रकोप विरुद्ध लड्न १७ वटा हैजा उपचार केन्द्र स्थापना

डिस अबाबा । डि विश्व स्वास्थ्य सङ्गठन (डब्लुएचओ)ले सोमबार इथियोपियामा...

पूर्वी अफगानिस्तानमा गएको पहिरोमा परी २५ जनाको मृत्यु

पूर्वी अफगानिस्तानमा गएको पहिरोमा परी २५ जनाको मृत्यु

काबुल। पूर्वी अफगानिस्तानको नुरिस्तान प्रान्तको नोर्गाराम जिल्लामा आइतबार पहिरो जाँदा...