हामी सबैकाे संसारन्यूज

९ पुष, काठमाण्डौं । १० डलर मूल्य पर्ने पुस्तकमा राजदूतले मन थाम्न नसके पछि राजदूत पद गुमाउनु परेको समाचार छ ।

यो हाम्रा नेपाली राजदूतको कुरा होइन, पाठकबृन्द । मेक्सिकोका राजदूतले १० डलरको पुस्तक किनेर नलगी चोरी गरेको भिडियो सार्वजनिक भएपछि उनलाई राजदूत पदबाट राजिनामा दिनु परेको हो ।

ती हुन् अर्जेन्टिनाका लागि मेक्सिकोका राजदूत ७७ वर्षीय रिर्काडो भलेरो । पुस्तक पसलबाट बुक चोरी गरेको भिडियो सार्वजनिक भएपछि मेक्सिको सरकारले उनलाई आफ्नो देश फिर्ता बोलाएको थियो । तर, भलेरोले आफ्नो स्वास्थ्यका कारण देखाउँदै दिएको राजिनामा विदेश मन्त्रालयले स्वीकार गरेको बताइएको छ ।

भलेरोले गत अक्टोबरमा ब्युनस आर्यसको पुस्तक पसलबाट पैसा नतिरि १८ औं शताब्दिका इटालीका लेखक जिआकोमो कासानोभाको जीवनमा आधारित रहेको पुस्तक पत्रिकामा बेरेर ढोकाबाट बाहिरीएको भिडियो सार्वजनिक भएको उक्त भिडियो सबैतिर चर्चाको विषय बनेको थियो ।

विदेशीसंचार माध्यमका अनुसार भलेरेलाई विमानस्थलमा रहेको एक पसलबाट कमिज चोर्न थालेको आरोप समेत लागेको थियो । मेक्सिोको विदेश मन्त्रालयले भलेरोको स्नायु सम्बन्धी उपचार भइरहेको जनाएको छ ।