Sansar News
१० पुष, काठमाण्डौं । नेपाली कांग्रेसको केन्द्रीय समितिको बैठक शुक्रबार १ बजे बस्ने भएको छ ।
शुक्रबार १ बजे पार्टीको केन्द्रीय कार्यालय ललितपुरमा बस्ने बैठक बस्ने पार्टीका मुख्य सचिव कृष्ण प्रसाद पौडेलले जानकारी दिएका छन् ।
पार्टीका बरिष्ठ नेता रामचन्द्र पौडेल समूहले मंसिर २६ देखि केन्द्रीय कार्यसमितिको बैठक बहिष्कार गर्दै आएको छ । यसवीचमा सभापति देउवाले सहमतिका लागि विभिन्न प्रयास गरे पनि त्यो असफल हुँदै आएको छ ।
सोमबार महामन्त्री शसांक कोइरालाको निवासमा बसेको पछिल्लो बैठकमा पनि वरिष्ठ नेता पौडेलले पार्टी सभापतिले पार्टीको विधान विपरीत पार्टी संचालन गर्न खोजेको आरोप लगााएका थिए । सोहि बैठकले आज (पुष १०) गतेलाई बैठक बस्ने समय तोकेको थियो तर, उक्त बैठक शुक्रबारलाई सरेको हो ।
देउवा र पौडेल पक्षबीच नेविसंघ र तरुणदलको गठनको मुद्दालाई प्याकेजमै सहमति गर्ने, महाधिबेशनको कार्यतालिका विभाग लगायतका मुद्दामा प्याकेजमै सहमति गर्ने भन्दै निरन्तर छलफलमा रहेका छन् । यतिबेला नेविसंघ दुवैपक्षको भागवण्डाको चपेटामा परेको छ ।
वि.सं.२०७६ पुस १० बिहीवार ०९:३९ मा प्रकाशित
