हामी सबैकाे संसारन्यूज

काठमाण्डौं । सनराइज बैंक लिमिटेडले बैंकिङ्ग सेवा नपुगेका देशका विभिन्न स्थानहरुमा बैंकिङ्ग सेवा पु¥याउँदै जाने उद्घेश्य अनुसार आफ्नो शाखारहित बैंकिङ्ग सेवा सरमुजुवा गा.वि.स.वडा नं. ०८, बंकुल, रौतहट जिल्लामा शुरू गरेको छ । बैंकको गौर शाखाका प्रमुख बिपत चौधरीकोउपस्थितिमा भुतपूर्व न्यायधिश देव शरण प्रसाद चौधरीले मंगलबार आयोजित एक समारोहका बीच पानसमा बत्ति बाली यस बैंकको तेह्रौं शाखारहित बैंकिङ्ग सेवाको उद्घाटन गरे ।
सो अवसरमा बैंकको गौर शाखाका प्रमुख श्री बिपत चौधरीलेशाखारहित बैंकिङ्ग सेवा प्रदान गर्नुको उद्घेश्य प्रष्ट पार्दै शाखारहित बैंकिङ्ग सेवाका व्यावसायिक प्रतिनिधि खुरसैद खाँ पैठानलाई पोइन्ट अफ सेल मेसिन हस्तान्तरण गरे । बैंकको शाखाहरु नभएको ठाँउबाट बचत तथा भुक्तानीका लागि शाखारहित बैंकिङ्ग सेवा मार्फत एटिएम कार्ड र औंठाको छापबाट, पोइन्ट अफ सेल मेसिनको माध्यमबाट कारोबार गरिन्छ ।