Logo
६ कार्तिक २०७८, शनिबार
     Sat Oct 23 2021
E-paper
  English Edition
   Unicode
Logo

विदेशीले गरे सडक र पार्क सरसफाइ



२३ मङ्सिर, लमजुङ, बेसीसहर । भ्रमण तथा अध्ययनको सिलसिलामा आएका विदेशी पर्यटकले यहाँको सडक र पार्कमा सरसफाइ गरेका छन् ।

बेसीसहर नगरपालिकासँग समन्वय गरी विदेशी २२ जनाको समूहले बेसीसहरको सडक र दनाइफाँटमा रहेको कर्पुरेश्वर पार्कमा सरसफाइ गरेका हुन् । अमेरिकाको वासिङ्टनस्थित वल्र्ड क्लास एकेडेमीमा अध्ययनरत २२ जना विदेशी युवा ब्यानरसहित सडक र पार्क सरसफाइमा जुटे । उनीहरुले दिउँसोको नियमित अध्ययनलाई छोट्याएर साँझको समयमा सरसफाइ गरेका हुन् ।

बेसीसहर नगरपालिकाका कार्यक्रम अधिकृत सन्तोष दनाईंका अनुसार विदेशी युवाले पार्कसम्म पुग्ने सडक सरसफाइ गर्नुका साथै पार्कमा लगाइएका बिरुवा गोडमेल गरेका थिए । उनीहरुले राखेको ब्यानरमा ‘घरबाट निस्कने फोहोरलाई मोहोरमा बदलौँ, बेसीसहर नगरपालिकालाई वातावरणमैत्री नगर बनाउँ’ भन्ने नारा लेखिएको थियो ।

विदेशी पर्यटकको समूह हातमा कुचो, झाडु लिएर सडकमा निस्किएको देखेपछि स्थानीयवासी चकित भएका थिए । केही स्थानीयवासीले उनीहरुसँगै सरसफाइमा पनि साथ दिएका थिए । नगर सरसफाइ कार्यक्रममा नगरपालिकाका कार्यकारी अधिकृत धर्म लम्सालसहित नगरपालिकाका कर्मचारीको पनि सहभागिता थियो ।

नियमित अध्ययनसँगै विद्यार्थीले केही दिनयता खुदीदेखि बेसीसहरसम्मको दूरीमा मस्र्याङ्दी नदीमा कायाकिङ ९डुंगा शयर० पनि गर्दै आएका छन् । अध्ययन र भ्रमणका लागि एक साताअघि लमजुङ आएका उनीहरु अझै एक साता यहीँ रहने बताएका छन् । रासस


यो खबर पढेर तपाईलाई कस्तो महसुस भयो ?

काठमाडौं । मौसम पूर्वानुमान महाशाखाका अनुसार आज देशभर आंशिक देखि सामान्य बदली रहनेछ ।

काठमाडौं । नेकपा एमालेका उपाध्यक्ष डा. भिम रावलले १० बुँदे प्रस्ताव कार्यान्वयन सहजीकरण कार्यदलको

तोलाकान्त बगाले, वालिङ । यहाँका गाउँले सामूहिकरुपमा भैँसीपालन व्यवसायतर्फ जुटेका छन् । स्याङ्जाको वालिङ

काठमाडौँ । पूर्वमन्त्री तथा माओवादी नेतृ रेखा शर्मालाई नेकपा (माओवादी केन्द्र)ले राजकीय मामिला तथा