Sansar News
१० माघ, अछाम । साँफेबगर नगरपालिका ३ डिग्रेनीकी पार्वती बुढा रावतको छाउगोठमै मृत्यु प्रकरणमा जिल्ल अदालत अछामले जेठाजु छत्र रावतलाई ४५ दिन कैद फैसला सुनाएको छ ।
बुहारीलाई छाउगोठ बस्न बाध्य बनाएको अभियोगमा न्यायाधिश नवीनकुमार जोशीको इजलासले छत्रलाई दोषी ठहर गरेको हो । तर, फौजदारी कार्यविधि संहिताको दफा १५५ अनुसार उनी बिहीबारै ६ हजार नगद जरिवाना बुझाएर कैैदमुक्त भएका छन् ।
सो दफाअनुसार एकवर्षभन्दा कम सजायको हकमा नगद जरिवाना बुझाएर कैद छुट हुने व्यवस्था छ । शुक्रबारको नयाँ पत्रिका दैनिकबाट
वि.सं.२०७६ माघ १० शुक्रवार ०८:१० मा प्रकाशित
