हामी सबैकाे संसारन्यूज

२४ माघ, काठमाडौं । नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले ललिता निवास जग्गा प्रकरणमा आफू निर्दोश रहेको प्रष्टीकरण दिएका छन् । दोषी, अपराधी र भ्रष्टाचारीले उन्मुक्ति पाउन नहुने उनले बताए । विराटनगर विमानस्थलमा शुक्रबार बिहान पत्रकारसँगको भेटघाटमा उनले निर्दोष र फस्न नहुने र दोषीले उन्मुक्ति नपाउने बताए ।

अख्तियारले कांग्रेसले भनेजस्तो पार्टीगत रुपमा कसैलाई फसाउन खोजेको जस्तो आफूलाई नलागेको पनि उनले बताए । यदि कसैलाई फसाइएको हो भने त्यो गतल हुने नेता नेपाले बताए ।

नेपालले एमसीसीका विषयमा छुट्टै एक कार्यदल बनेको र यसले यस विषयमा गहन अध्ययन गरिरहेको बताए । इण्डोप्याफिक रणनीतिकै एउटा अङ्ग हो कि भन्ने भ्रमलाई कार्यदलले हटाउने भन्दै उनले एमसीसी नेपालको हितमा भएकाले यसलाई स्वीकृत गर्नुपर्ने धारणा राखे ।