हामी सबैकाे संसारन्यूज

४ फागुन, बारा । निजगढ नगरपालिकाले नगर क्षेत्रका तीनवटा सामुदायिक विद्यालयमा स्वास्थ्यकर्मी नियुक्त गरेको छ ।

सरकारले सामुदायिक विद्यालयको स्वामित्व स्थानीय तहलाई सुम्पिएको छ । स्थानीय तहमा स्वामित्व आएसँगै विद्यार्थीको स्वास्थ्यलाई ध्यान दिएर विद्यालयमा स्वास्थ्यकर्मी (अनमी) नियुक्त गरिएको निजगढ नगरपालिकाका मेयर सुरेशकुमार खनालले बताए ।

निजगढमा २७ वटा सामुदायिक विद्यालय छन् त्यसमध्ये पहिलो चरणमा नेत्रोदय मावि निजगढ, नेरा मावि लाल र नेरामावि सिंगोलमा नगरपालिकाले अनमी खटाएको छ । बाँकी बिद्यालयमा पनि क्रमशः स्वास्थ्यकर्मीको व्यवस्था गर्दै जाने मेयर खनालले बताए । आइतबारको नयाँ पत्रिका दैनिकबाट