हामी सबैकाे संसारन्यूज

अमेरिकाको मेरिल्याण्डमा रहेका गीतकार तथा गायककार बसन्त थापा मगरले दोश्रो कृतिका रुपमा आफ्नो नयाँ गीति एल्बम ‘कहिले दायाँ कहिले बायाँ’ बजारमा ल्याएका छन् ।

यस भन्दा अगाडि ‘आमाले बोकेको भारी’ नामक म्युजिक भिडियो सांगितीक क्षेत्रमा ल्याइसकेका गीतकार थापाले ‘कहिले दायाँ कहिले बायाँ’ नामक म्युजिक भिडियो बजारमा बजारमा ल्याएका हुन् ।

नेपालमा रहँदा होस् या विदेशको कुनै पनि कुनामा पुग्दा होस् नेपाली गीत, नाँच, खाना, रिती रिवाज र जन्मभूमिको माया र सम्झनामै बाँच्ने र रमाउने नेपालीहरुको आफ्नो विशेषता नै हो भन्दा फरक पर्दैन् ।

नेपाली जहाँ गए पनि अनि जहाँ रहे पनि नेपालीपन नै शान्ति र खुशीको आधार बन्ने बताउने गीतकार थापा बताउँछन् । ‘बिदेशमा चाहे त्यो अमेरिका, अष्ट्रेलिया, ब्रिटेन, क्यानडा, कोरिया, जापान र युरोप किन नहोस् यातफेरि त्यो कÞतार, दुबइ, साउदी, मलेशिया, इजरायल, इराक, अफगानिस्तान र अफ्रिका नै किन नहोस् त्यहाँ रहेर सुख/दुःख गरीरहेका सबै नेपालीहरूले भोगीरहेको, महशुस र अनुभव गरिरहेको कुरा हो भने नेपालमा घर, बाटो, यात्रा, बनभोज, पार्टी, सभा, भेटघाट लगायत हरेक मनोरन्जनात्मक समारोहहरूमा गीत/संगित अनि नाँच/गानको छुट्टै औचित्य, महत्व भएको र जीवन तथा सामाजिक अंग बनिरहेको बिषय नै हो यो ।’ संसारन्युजको कुराकानीमा थापा भन्छन् ।

गायक थापाकै शव्द र लय रहेको उक्त गीतमा चर्चित तथा लोकप्रिय गायिका अन्जु पन्तको सुमधुर स्वरले गीत सजिएको छ । शव् , स्वर र लयलाइ कस्तो बाजा र तालमा सजााउने त्यो म्युजिक अरेन्जरको सिप र योग्यता हो जसमा अशोक लोहारूगं राई सफल देखिएका छन् ।
गीतलाइ आमदर्शक र श्रोता सामु आकर्षित बनाउन र गराउन म्युजिक डाइरेक्टर र यसका कलाकारहरूको ठूलो भुमिका रहन्छ । नायक पल शाह, मोडेल नग्मा श्रेष्ठ र चरित्र अभिनेता फिÞल्मी डाइरेक्टर शोभित बस्नेत लगायत इन्टायर टिमको नृत्य र अभिनयले म्युजिक भिडियो अझ रमाइलो र राम्रो बनेको छ ।

उक्त गीतमा कोरियोग्राफर प्रमोद भन्डारी,cinematographer अर्जुन तिवारी, editor  र colorist नविन निरौला र म्युजिक डाइरेक्टर समन अधिकारीको ठूलो हात, सोच र सिप रहेको छ ।

यो म्युजिक भिडियोले आम नेपालीहरूको साथ र माया पाउने गीतकार थापाले आशा गरेका छन् ।