हामी सबैकाे संसारन्यूज

काठमाडौँ । बलिउडकी चर्चित अभिनेत्री श्रीदेवीलाई सम्झिँदै उनकी छोरी जान्हवीले सामाजिक सञ्जाल इन्स्टाग्राममा एउटा तस्बिर साझेदार गरेकी छन् । श्रीदेवीको २०१८ फेब्रुअरी २४ मा निधन भएको हो ।

अभिनेत्री श्रीदेवीको दुबईमा भएको आकस्मिक निधनपछि देशभरका मानिसहरु चकित भएका थिए । र, उनको निधनलाई लिएर केहि समय विवाद पनि भएको थियो । उनको निधन पछि कपुर परिवारसँगै, बलिउडले उनको बिदाइका लागि शोक मनाएका थिए । उनका दुई छोरी पनि छन् ।

उनकी दुई छोरी मध्ये जेठी छोरी जाह्नवी कपूरले आमाको दोस्रो पुण्यतिथिमा सामाजिक सञ्जाल इन्स्टाग्राममा ‘आमा म तिमीलाई हरेक दिन सम्झन्छु’ स्टाटस लेख्दै आमासँग बसेको बालापनको तस्बिर सार्वजनिक गरेकी छन् । श्रीदेबी बलिउडमा एक समयकी सुपरहिट नायिकाको रुपमा चिनिन्थिन् । उनले हिम्मतवाला, बलिदान, मावाली, सुहागन, घर–संसार लगायतका धेरै चलचित्रमा अभिनय गरेकी छन् ।