हामी सबैकाे संसारन्यूज

१२ फागुन, पोखरा । पोखरामा प्रधानमन्त्री केपी शर्मा ओलीलाई कालो झण्डा देखाइएको छ । निवर्तमान सञ्चारमन्त्री गोकुल बाँस्कोटाले सेक्युरेटी प्रिन्टिङ प्रेस खरिद प्रक्रियामा कमिसन मागेको अडियो सुनेर पनि बेवास्ता गरेको आरोपमा कालोझण्डा देखाईएको हो ।

कालो झण्डा देखाउने क्रममा प्रहरीले चारजना विद्यार्थी नेतालाई पक्राउ गरेको छ । पक्राउ पर्नेहरुमा समाजवादी विद्यार्थी युनियनका उपाध्यक्ष नेत्र चापागाईं, रेशम सापकोटा, विशाल तिमल्सिना र प्रवास भट्टराई रहेका छन् ।

प्रधानमन्त्री ओली नेकपा गण्डकी प्रदेशस्तरीय प्रशिक्षण कार्यक्रमलाई सम्बोधन गर्न पोखरा आएका बेला समाजवादी विद्यार्थी युनियनका विद्यार्थीहरुले नारावाजीसहित बिरोध जनाएका थिए ।