हामी सबैकाे संसारन्यूज

१३ फागुन, काठमाडौं । प्रधानमन्त्री केपी शर्मा ओलीले आफ्नो जन्मघर पुगेर तामझामका जन्मदिन मनाएकोमा नेपाली कांग्रेसले असन्तुष्टि जनाएको छ । मंगलबारको संसद बैठकमा बोल्दै कांग्रेस सांसद मीनेन्द्र रिजालले जन्मदिन मनाउँदा सत्ता उन्माद देखिएको बताए।

रिजालले भने ‘जन्मदिनको कार्यक्रममा प्रधानमन्त्रीको पुर्ख्यौली घर देखियो। प्रधानमन्त्री जन्मिनुभन्दा २० वर्ष पहिलेको भन्ने सुनियो। घरको संरचना त निर्जिव होला। तर यसले सजिव इतिहास बोकेको छ। यती होल्डिङले केक पुर्‍याउँदा घरले पनि अपमानित महसुस गर्यो होला ।’

रिजालले मुलुकमा भ्रष्टचारको सीमा नाघेको बताए। सञ्चारमन्त्रीको अडियो टेप प्रधानमन्त्रीले पहिल्यै सुनेर पनि कुनै कारवाही नगरेको भन्दै उनले आपत्ति जनाए ।