हामी सबैकाे संसारन्यूज

२६ फ्रेबुअरी । नेप्लिज वेलफेयर सोसाइटी बहराइनद्वारा यहि मार्च ६ मा आयोजना गर्न लागेको बृहत् साँस्कृतिक साँझ अहिलेलाई स्थगित गरेको छ ।

कोरोना भाइरसको स्रक्रमणले सबै राष्ट्रहरुलाई त्रसित तुल्याइरहेको अवस्था र बहराइनमा समेत संक्रमितको संख्यामा बृद्धि हुने क्रम रहेको अवस्थाको ख्याल गरी सम्पूर्ण तयारी पुरा भैसकेको अवस्थामा पनि कार्यक्रम स्थगित गरिएको जानकारी अध्यक्ष नारायण रपाल विश्वकर्मा र महासचिव विरेन्द्र बुढाथोकी हस्ताक्षरित प्रेस विज्ञप्तीमार्फत दिइएको छ ।

कार्यक्रम स्थगित गर्नुपर्दा हुन गएको असुविधाप्रति सोसाइटीले क्षमा माग्दै बहराइन सरकारबाट जनजीवन सामान्य रहेको सूचना प्राप्त भएपछि पुनः कार्यक्रम गरिने प्रतिबद्धता गरिएको छ ।

सूचनामा खतरनाक भाइरसबाट जोगिन बहराइन सरकार र सम्बन्धीत निकायद्वारा जारी गरिएको सावधानीलाई पूर्ण रुपमा पालना गर्दै सबै देशका नागकिरहरुबीच सचेतना फैलाउन गम्भिरतापूर्वक लाग्न पनि सबैमा हार्दिक अनुरोध गरिएको छ ।