Sansar News
काठमाडौँ । अभिनेत्री प्रियंका कार्की आज विवाहको अघिल्लो दिन आफ्नो ३३ औँ जन्मदिन मनाउँदै छिन् ।
पछिल्लो समय विवाहको कारण निकै चर्चामा रहेकी प्रियंका भोलि फागुन १६ गते आफ्ना प्रेमी तथा अभिनेता आयुष्मान देशराज जोशीसँग विवाह बन्धनमा बाँधिन लागेकी हुन् ।
प्रेमी आयुष्मान सँग इन्गेजमेन्ट भएको करिब दुईवर्ष पछि उनले फागुन १६ मा विवाह गर्न लागेकी छन् । सुरेश दर्पण पोखरेलको ‘थ्री लभर्स’ चलचित्र बाट आफ्नो अभिनय यात्रा सुरु गरेकी प्रियंका १९८७ फेब्रुअरी २७ मा काठमाडौँमा जन्मिएकी हुन् ।
उनले ‘छक्का पञ्जा, दाल भात तरकारी, हजार जुनी सम्म, फाटेको जुत्ता लगायतका थुप्रै चलचित्रमा काम गरिसकेकी छन् । उनलाई चलचित्रमा मात्र होइन म्युजिक भिडियोमा पनि निकै रुचाइएको छ । पछिल्लो समय उनले निर्माण तथा निर्देशनमा पनि हात हालेकी छन् ।
वि.सं.२०७६ फागुन १५ बिहीवार १२:३९ मा प्रकाशित
