Sansar News
१८ फागुन, काठमाडौँ । प्रधानमन्त्री केपी शर्मा ओलीले बुधबार मिर्गौला प्रत्यारोपण गर्ने भएका छन् । नेकपा सचिवालय बैठकमा प्रधानमन्त्री ओलीले नै उक्त जानकारी दिएका थिए ।
नेकपा अध्यक्ष रहेका ओलीको शिक्षण अस्पताल महाराजगन्जमा मिर्गौला प्रत्यारोपण गरिने छ। त्यसका लागि ओली सोमबार अस्पताल भर्ना हुनेछन् । ओलीले नियमित फलोअप त्रिवि शिक्षण अस्पतालमै गर्दै आएका छन् ।
गत कात्तिकदेखि मिर्गौलाले काम गर्न छोडेपछि ओली अहिले नियमित डायलाइसिसमा छन्। ओलीले पहिलो पटक १२ वर्ष अगाडि भारतमा मिर्गौला प्रत्यारोपण गरेका थिए। प्रत्यारोपण गरेको मिर्गौलालाई शरीरले लिन छाडेपछि ओलीले कात्तिकदेखि नियमित डायलाइसिस गर्दै आएका छन्।
वि.सं.२०७६ फागुन १८ आइतवार १३:३५ मा प्रकाशित
