Sansar News
१९ फागुन, काठमाण्डौं । प्रधानमन्त्री केपी शर्मा ओली मिर्गौला प्रत्यारोपणका लागि आज भर्ना हुने भएपछि भेटघाट तथा बैठकहरुमा सक्रियता बढाएका छन् ।
प्रधानमन्त्री बुधबार मिर्गौला प्रत्यारोपणका लागि आज अस्पताल भर्ना हुने भएका हुन् । स्रोतका अनुसार प्रधानमन्त्री आज बेलुका त्रिवि शिक्षण अस्पताल महाराजगन्जमा भर्ना हुने भएका छन् ।
विहान सचिवालयको बैठक, दिउँसो राजनीतिक भेटघाटमा व्यस्त हुने स्रोतले जनाएको छ ।
१३ वर्ष अघि मिर्गौला प्रत्यारोपण गरेका प्रधानमन्त्री ओलीको उक्त मिर्गौलाले कामगर्न छाडेपछि बुधबार पुन : अर्को मिर्गौला प्रत्यारोपण गरिने भएको हो ।
शिक्षण अस्पतालका युरोलोजी तथा मिर्गौला विभागका प्रा.डा प्रेमराज ज्ञवालीको नेतृत्वमा शल्यक्रिया गरिने बताइएको छ ।
यसभन्दा अघि प्रधानमन्त्री नियमित डाइलासिसमा रहेका थिए । मंसिरमै मिर्गौला प्रत्यारोपण गर्नुपर्ने चिकित्शकले सल्लाह दिएपनि बीचमा ऐपेन्डिसाइटिस र पेरिटोनाइटिसको समस्या रहेकाले प्रत्यारोपण पछि धकेलिदैं आएको थियो ।
आइतबार बसेको नेकपाको सचिवालय बैैठकपछि मात्र बुधबार नै मिर्गौला प्रत्यारोपण गरिने जानकारी पार्टी प्रवक्ता नारायणकाजी श्रेष्ठले दिएका थिए ।
भारतीय प्रधानमन्त्रीले दिए प्रधानमन्त्री ओलीलाई सफल शल्यक्रियाको शुभकामना
यसकारण हतारिए प्रधानमन्त्री ओली मिर्गौला प्रत्यारोपणका लागि !
प्रधानमन्त्री ओलीलाई भोली नै अस्पताल भर्ना गरिने, बुधबार मिर्गौला प्रत्यारोपण
वि.सं.२०७६ फागुन १९ सोमवार १२:१९ मा प्रकाशित
