हामी सबैकाे संसारन्यूज

२८ फागुन, काठमाण्डौं । पाठ्यक्रम विकास केन्द्रले कक्षा ११ र १२ मा गणित तथा कम्प्युटर विषयमा देखिएको विवाद अध्ययन गर्न समिति गठन गरेको छ ।

पुल्चोक इन्जिनियरिङ क्याम्पसका प्राध्यापक सुवर्ण शाक्यको संयोजकत्वमा गठन गरिएको विवाद अध्ययन समितिको सदस्यमा सानोठिमी क्याम्पसका रमाकान्त पाण्डे, प्रकाश खतिवडा र पाठ्यक्रम विकास केन्द्रका गणित तथा विज्ञान शाखाकी निर्देशक प्रमिला वखती रहेकी छन् ।

गणित तथा कम्युटर विषयलाई अनिवार्य बनाउनुपर्ने माग बढेपछि उक्त अध्ययन समिति गठन गरिएको हो । समितिलाई सरोकारवालाहरुसँग छलफल गरेर एकसाता भित्रमा प्रतिवेदन पेश गर्न केन्द्रले निर्देशन दिएको छ ।

केन्द्रले यसैवर्षदेखि विद्यालयतहमा नयाँ पाठ्यक्रम लागु गर्दैछ । जसमा कक्षा ११ र १२ मा गणित विषयलाई स्वेच्छिक विषय बनाइएको छ । गणित विषयलाई अनिवार्य बनाउनुपर्ने माग विज्ञहरुले गर्दै आएका छन् ।