हामी सबैकाे संसारन्यूज

१ चैत्र । काठमाण्डौ जिल्ला खेलकुद विकास समिति सदस्यले शुक्रबार पदभार ग्रहण गरेका छन् ।

ज्ञानेश्वरको कार्यालय सानो गौचरणमा अध्यक्ष अरुण बस्नेत लगायत चार जना सदस्यहरु रुपा थापा मगर, तप्तराज तिमल्सीना, विनु खड्का, राजेन्द्र अर्यालले पदभार ग्रहण गरेका हुन् । पुर्वअध्यक्ष ध्रुवराज न्यौपाने लगायत पदाधिकारीहरुको उपस्थिति रहेको थियो ।

त्यस्तै बागमती प्रदेश खेलकुद विकास परिषदका सदस्यहरु प्रल्हाद दाहाल,ममिता शेर्पा, निरञ्जन थापा मगर, विकाश श्रेष्ठ र सिन्धुपाल्चोक जिल्ला खेलकुद विकास समितिका अध्यक्ष शिव देउजाको उपस्थिति रहेको थियो ।

कार्यक्रममा खेल संग सम्बन्धित विभिन्न व्यक्तित्वहरु सहित प्रशिक्षक र कर्मचारीहरुको वाक्लो उपस्थिति थियो ।
कार्यक्रममा पूर्व अध्यक्ष ध्रुर्वराज न्यौपानेले आफुले यो टिमलाई पुर्ण रुपमा सहयोग गर्ने बताए भने अध्यक्ष अरुण बस्नेतले हिजोका राम्रो कुराहरुको अनुसरण गर्दै सवैको सल्लाह लिएर आफुले काम गर्ने बताए ।