हामी सबैकाे संसारन्यूज

२ चैत, काठमाडौँ । भारतले कोभिड–१९ संक्रमणको जोखिम घटाउन भन्दै नेपालसँगका प्रमुख चारबाहेकका नाका बन्द गरेको छ ।

भारतको गृह मन्त्रालयले शुक्रबार दुई देशका नागरिक ओहोरदोहोरका लागि वीरगन्ज (रक्सौल), भैरहवा (सुनौली), महेन्द्रनगर (वनबासा) र काँकडभिट्टा (रानीगन्ज) मात्र खुला राख्ने निर्णय गरेको हो । यो व्यवस्था आइतबारदेखि लागू हुनेछ । कार्गी (सामान) ढुवानी भने यसअघिकै व्यवस्थाअनुसार सबै नाकाबाट यथावत रहनेछ ।

खुला राखिएका नाकामा बृहत् स्वास्थ्य परीक्षण गरिनेछ । कुनै व्यक्ति पछिल्लो समयमा इटाली, इरान, स्पेन, जर्मनी र दक्षिण कोरिया गएको पाइए राज्य तथा केन्द्र सरकारले तोकेको स्वास्थ्य सुविधाभित्र क्वारेन्टाइनमा बस्नुपर्ने भारतको गृह मन्त्रालयले जनाएको छ । आइतबारको कान्तिपुर दैनिकबाट