हामी सबैकाे संसारन्यूज

२ चैत, युगाण्डा । गैरआवासीय नेपाली संघ युगाण्डाले इजिप्टका लागि नोपली राजदूत झविन्द्र अर्याललाई युगाण्डामा स्वागत गरेका छन् ।

हालै नियुक्ति गरिएका युगाण्डाका लागि नेपाली वाणिज्यदूत सुधिर रुपरेलियालाई वाणिज्यदूतमा औपचारिक नियुक्तिका लागि युगाण्डा पुगेका राजदूत अर्याललाई एनआरएनए युगाण्डाले स्वागत तथा भेटघाट गरेको हो ।

संघका अध्यक्ष विनोद थापा, पूर्वअध्यक्ष तथा प्रमुख सल्लाहकार जीवनाथ पंगेनी, पूर्वअध्यक्ष तथा सल्लाहकार रमेश कंडेल, आइसीसी सदस्य राजमणि भण्डारी, महासचिव कमल भट्ट, सदस्य श्रीमती रंजता पंगेनी र युगाण्डाका चर्चित व्यवसायी रुपेरेलियाले राजदूत अर्याललाई युगाण्डाको इन्टवे एयरपोर्टमा स्वागत गरेका थिए ।

उक्त अवसरमा रुपरेलियालाई युगाण्डाका लागि नेपाली बाणिज्यदूतमा नियुक्त गरिने कार्यक्रमका विषयमा छलफल भएको पनि अध्यक्ष थापाले संसारन्युजलाई जानकारी दिएका छन् ।