५ चैत, काठमाण्डौं । कोरोनाभाइरसको संक्रमण युरोपमा अप्रत्यासित रुपमा फैलिएपछी केहि युरोपेली मुलुकका सरकारहरु अत्यन्त जिम्मेवारपूर्ण तवरले प्रस्तुत भएका छन् । केन्द्रिय जर्मन सरकारले संक्रमण फैलिएपछी गरेका केहि महत्वपूर्ण निर्णयहरु ।
-जर्मनीमा हालसम्म कोरोना भाइरसबाट सङ्क्रमितहरुको संख्या ९००० नाघेको छ । अहिलेसम्म यस महामारीबाट यहाँ २४ जनाले ज्यान गुमाएका छन् ।
-फ्रान्स, स्विटजरल्याण्ड, अस्ट्रिया, डेनमार्क लक्जेम्बर्ग संगका सिमाना बन्द गरिएका छन् । जर्मन नागरिक र यहाँको निवास अनुमति भएका बिदेशीहरुका हकमा प्रवेश निषेध गरिएको छैन । जर्मन नेशनल फ्ल्याग क्यरियर लुफ्थान्साले अप्रिल २४ सम्म आफ्ना २३ हजार फ्लाइट क्यान्सिल गरेको छ ।
-कम्पनीहरुलाई कोरोना भाइरसबाट पर्न गएको आर्थिक असरको सामना गर्न ५५० अरब युरोको आर्थिक सहायता प्याकेज घोषणा गरिएको छ । दोश्रो बिश्व युद्धपछीको यो सबैभन्दा ठुलो सहयोग रकम हो । यो ऋण सहयोग यहाँको सरकारी बैंक के.एफ.डब्लु मार्फत उपलब्ध गराइने छ । जर्मनीका अर्थ र उर्जा मन्त्री पिटर अल्टमाएरले यो प्याकेज सुरुआती रकम मात्रै भएको र आवस्यक परेमा थप ऋण रकम उपलब्ध गराउन सकिने बताएका छन् ।
-राजधानी बर्लिन लगायत केहि शहरमा निश्चित संख्या भन्दा बढी मानिस जम्मा हुन निषेध गरिएको छ ! नाइट क्लब, क्यासिनो, चर्च, सिनेमाहल, स्कुल, कलेज आदि बन्द भएका छन् । घुमफिर र अन्तरिक आवत-जावत अहिलेसम्म निषेध गरिएको छैन । मानिसहरुलाई सम्भव भएसम्म सेल्फ क्वारेनटाईनमा बस्न सुझाव दिईएको छ ।
-कोरोनाभाइरस बिरामीहरूको उपचारकालागि जर्मन सेनाको सहयोगमा १ हजार शैथ्याको बिशेष अस्पताल निर्माण गरिने भएको छ ।
विदेशमा फसेंका जर्मन नागरिकहरुलाई देश फर्काउने योजनाका लागि सरकारले ५० मिलियन युरो बिनियोजन गरेको छ ।
-जर्मनी संघिय राज्यब्यबस्था भएको देश हो । कतिपय संघिय सरकारहरुले यस महामारीको प्रकोपबाट बच्न आ आफ्नो राज्यमा थप सुरक्षा उपायहरु पनि अवलम्बन गरिरहेका छन् ।
गैरआवासीय नेपाली संघ (एनआरएन) का संरक्षक जीवा लामिछानेको फेसबुक वालबाट लिइएको ।
वि.सं.२०७६ चैत ५ बुधवार १६:०० मा प्रकाशित