हामी सबैकाे संसारन्यूज

५ चैत, काठमाण्डौं । चीनको वुहान प्रान्तबाट सुरु भएर संसारका १६५ बढी देशमा फैलिएको कोरोना भाइरसले यी १० मुलुकलाई बढी प्रभावित बनाएको छ ।

जसका कारण मानिवय क्षति तथा विश्वको अर्थतन्त्रलाई समेत असर पुर्याएको छ । १० मुलुकमध्ये हालसम्म चीनमा ३ हजार २३७ जनाको मृत्यु भएको छ भने ८० हजार ८९४ जनामा संक्रमण देखिएको छ ।

चीनपछि बढी मृत्यु हुने देशमा इटाली दर्ज भएको छ । इटालीमा अहिलेसम्म २५ सय ३ जनाको मृत्यु भएको छ भने संक्रमितको संख्या ३१ हजार ५०६ पुगेको छ ।

त्यसैगरी तेश्रोमा इरान रहेको छ । इरानमा हालसम्म ९ सय ८८ जनाको मृत्यु भएको छ भने संक्रमितको संख्या १६ हजार १६९ पुगेको छ ।

त्यस्तै चौथोमा स्पेन रहेको छ । स्पेनमा संक्रमितको संख्या ११ हजार ८२६ पुगेको छ भने मृतकको संख्या ५ सय ३३ पुगेको छ । साथै पाँचौमा जर्मनी रहेको छ । जर्मनीमा संक्रमितको संख्या ९ हजार ३६७ पुगेको छ भने मृतकको संख्या २६ पुगेको छ ।

त्यसैगरी छैटौंमा कोरिया रहेको छ । कोरियामा अहिलेसम्म ९ हजार ३६१ जनामा संक्रमण भएको पुृष्टि भएको छ भने ८४ जनाको मृत्यु भएको छ ।

फ्रान्स सातौंमा परेको छ । त्यहाँ अहिलेसम्म संक्रमितको संख्या ७ हजार ७ सय ३० पुगेको छ भने मृतकको संख्या १७५ पुगेको छ ।
आठौंमा अमेरिका रहेको छ । अमेरिकामा अहिलेसम्म ६ हजार ५२४ जना संक्रमित भएका छन् भने ११६ जनाको मृत्यु भएको छ ।

नवौंमा स्वीटजरल्याण्ड रहेको छ । त्यहाँ अहिलेसम्म २ हजार ७ सय २४ जना संक्रमित भएका छन् भने मृतकको संख्या २७ पुगेको छ ।
संक्रमण बढी हुने दशौं नम्बरमा युके रहेको छ । त्यहाँ अहिलेसम्म १९ सय ५० जनामा संक्रमण देखिएको छ भने ७१ जनाको मृत्यु भइसकेको छ ।

कोरोनाका कारण अहिलेसम्म विश्वमा ७ हजार ९९७ जनाको मृत्यु भएको छ भने संक्रमितको संख्या १ लाख ९९ हजार ४ सय १७ जना रहेका छन् । साथै उपचार गरेर निको भएकाको संख्या ८२ हजार ८१२ रहेका छन् ।