हामी सबैकाे संसारन्यूज

६ चैत, काठमाण्डौं । कोभिड १९ ले विश्वव्यापी महामारीको रुपलिँदै गएको बेला एकअर्काे राष्ट्रलाई सहयोग गर्नु सबै राष्ट्रको कर्तव्य हुन्छ । तर, दुई शक्तिसाली राष्ट्रका रुपमा रहेका अमेरिका र चीन भने यो महामारीको अवस्थामा पनि एकअर्काका पत्रकारमाथि प्रतिबन्ध लगाउँदै सम्बन्ध विर्गादै गरेको देखिन्छ ।

केहि समय अगाडि अमेरिकाले केही चिनियाँ संचारमाध्यममाथि आफ्नो भूमिमा प्रतिबन्ध लगाएको थियो । जसको फलस्वरुप चीनले आफ्नो राष्ट्रमा आबद्ध अमेरिकी पत्रिकाका पत्रकारहरुलाई आफ्नो मुलुकमा निशेध गर्ने निर्णय गरेको चिनियाँ विदेश मन्त्रालयले जनाएको छ ।

द वासिङटन पोष्ट, द न्युयोर्क टाइम्स र द वाल स्ट्रिट जर्नलमा पत्रकारिता गर्दै आएका पत्रकारलाई आफ्नो सञ्चारकर्मी अनुमति पत्र १० दिनमा चिनियाँ सरकारलाई बुझाउन निर्देशन दिएको छ ।

हालसालै अमेरिकी राष्ट्रपति ट्रम्पले आफ्नो ट्विटरमार्फत् कोभिड–१९ लाई ‘चाइनीज भाइरस’ उपनाम दिएका थिए भने चीन तर्फबाट आफ्नो भूमिमा कोभिड १९ अमेरिकाले भित्राएको भन्दै एकअर्कालाई लान्छना लाउँदै आएका छन् ।