हामी सबैकाे संसारन्यूज

१० चैत, काठमाण्डौं । जिल्ला प्रशासन कार्यालय कैलालीले आज (सोमबार) दिउसो २ बजेदेखि अनिश्चितकालीन कर्फ्यू लगाएको छ ।

कोरोना भाइरसको संक्रमणको उच्च जोखिममा कैलाली जिल्ला पनि रहेकोले सजगता अपनाउन, संक्रमणको विस्तारलाई रोक्न तथा सचेतनामूलक र प्रवद्र्धनात्मक कार्य गर्न जरुरी रहेको भन्दै आजदेखि अर्को सूचना जारी नभएसम्मका लागि कर्फ्यू (निषेधाज्ञा) लगाइएको बताइएको छ ।

जिल्ला सुरक्षा समितिको बैठकले उक्त निर्णय गर्दै अत्यावस्यक सेवाहरु भोजनालय, औषधि पसल, खाद्यान्न, फलफूल तथा तरकारी, अस्पताल तथा स्वास्थ्य केन्द्र सन्चालक सम्बन्धी सेवा, हवाई मार्ग, यात्री वा मालसमान ओसार पसार गर्ने ढुवानीका यातायात, सरकारी छापाखाना, सन्चार सेवा, आन्तरिक सुरक्षा कार्य, खानेपानी सञ्चालन तथा वितरण, पेट्रोलियम पदार्थ ढुवानी भण्डारण र वितरण, फोहोर मैला संकलन तथा ढुवानी, विद्युत् सेवा आदि जस्ता आवस्यक सेवा बाहेकका अन्य सबै सेवा\स्थलहरु आज २ बजेदेखि अर्को आदेश नभएसम्म निशेधाज्ञा जारी गरिएको छ ।’ जिल्ला प्रशासन कार्यालयका प्रमुख यज्ञराज बोहोरा द्धारा जारी विज्ञप्तिमा जनाइएको छ ।