हामी सबैकाे संसारन्यूज

१३ चैत, बेल्जियम । युरोपेली मुलुक बेल्जियमले १५ मिनेटमै भाइरस टेष्ट गर्ने प्रविधि प्रयोगमा ल्याएको छ ।

१५ मिनेटमै कोभिड १९ अर्थात कोरोना जाँच गर्न ठिक र उपर्युक्त रहेको निष्कर्षका साथ सो प्रयोगमा ल्याइएको बताइएको छ ।

विश्वविद्यालय अस्पताल ब्रसेल्सको ल्याब्रेटोरी सहित लीग विश्वविद्यालय र स्वास प्रस्वास सम्बन्धी राष्ट्रिय केन्द्रद्धारा संयोजित कोरोनो बायो कन्सेप्टले सो किट्सको विकास गरेका थिए ।

बेल्जियमका विभिन्न अस्पतालमा रहेका २५० जना विरामीसँग गरिएको परीक्षण र त्यसले दिएको सहि रिर्पोटको आधारमा औषधि तथा स्वास्थ्य सेवा सम्बन्धी संघीय निकायले अनुमति दिएको हो । स्वास्थ्य मन्त्रालयका अनुसार सो किट्स स्वास्थ्य केन्द्रहरुलाई मात्र वितरण हुनेछ ।
बेल्जियममा कोरोना प्रभावितको संख्या ६ हजार २३५ पुगेको छ भने आजमात्रै १२ सय ९८ नयाँ थपिएको छ ।

त्यस्तै मृत्यु हुनेको संख्या २२० पुगेकोमा आज थप ४२ जनाको मृत्यु भएको छ । अहिलेसम्म टोटल मृतकको संख्या २६२ पुगेको छ ।
बेल्जियमले विकास गरेको यो किट्सका बारेमा ब्रसेल्स टाइमले समाचार प्रकाशित गरेको छ ।

लकडाउनको अवज्ञा गर्नेलाई बेल्जियम सरकारले ल्यायो यस्तो कडा कानुन