हामी सबैकाे संसारन्यूज

१३ चैत्र, नयाँ दिल्ली( भारत) । बिश्व ब्यापि माहामारिको रुपमा रहेको कोरोना अर्थत कोभिड १९ भाईरससंग लडिरहेको भारत सरकारले आफ्ना ८० करोड जनतालाई तीन महिनासम्म निशुल्क खुवाउने घोषणा गरेको छ । त्यसको लागि १७ खर्ब भारतीय रुपैयाँको आर्थिक प्याकेजको घोषणा गरेको छ ।

बिबिसकिा अनुसार भारतीय बित्तमन्त्री निर्मला सितारमणले घोषणा गरेको आर्थिक प्याकेज अनुसार तीन महिनासम्म गरिब जनतालाई निःशुल्क चामल या आँटा तथा १ केजी दाल एवं महिलाहरुका लागि ग्याँस निःशुल्क उपलब्ध गराउने रहेको छ ।

भारत सरकारले २१ दिनको लकडाउन गरिरहेको छ । सरकरले लकडाउनबाट गरिब परिवारलाई बिचलितहुन नदिन यस्तो घोषणा गरेको जनाएको छ ।

किसानलाई आर्थिक सहायता दिइने

त्यस्तै भारत सरकारले किसानहरुलाई आर्थिक सहायता उपलब्ध गराउने भएको छ । बित्तमन्त्री सितारमणले १३० करोड जनतालाई खुवाउन किसानहरु बर्षभर प्रयास गरिरहन्छन भन्दै ८ करोड ७० लाख किसानको खातामा अप्रिल महिनादेखि भारु २ हजार ट्रन्सफर गरिने घोषण गरिन ।

त्यस्तै गरिब महिला तथा बृद्ध बृद्धाहरुलाई पनि थप राहात प्यकेजको घोषण गरिएको छ ।