हामी सबैकाे संसारन्यूज

१७ चैत, काठमाडौँ । विश्वभर अहिले सम्म कोरोना भाइरसबाट मृत्यु हुनको संख्या ३३ हजार ९ सय ६८ रहेको छ भने संक्रमितको संख्या ७ लाख २१ हजार ८ सय १७ रहेको छ । १ लाख ५१ हजार २ सय ४ जना भने कोरोना भाइरको संक्रमणबाट निको भइसकेका छन ।

अमेरीकामा कोरोना भाइरसबाट संक्रमितको संख्या १ लाख ४२ हजार ३ सय २८ नाघेको छ भने मृत्यु हुनेको संख्या २४ सय ८९ पुगेको छ ।

कोरोना भाइरसबाट सबै भन्दा प्रभावित देश इटालीमा मृत्यु हुनेको संख्या १० हजार ७ सय ७९ रहेको छ भने संक्रमितको संख्या ९७ हजार ६ सय ६९ रहेको छ ।

त्यसैगरी स्पेनमा पनि कोरोना भाइरसबाट मृग्यु हुनेको संख्या ६ हजार ८ सय ३ पुगेको छ ।

भारतमा कोरोना भाइरस संक्रमितको संख्या १ हजार नाघेको छ । भारतीय समाचार संस्था इंडियन टाइमर्सका अनुसार अहिलेसम्म भारतमा कोरोना भाइरसबाट संक्रमितको संख्या १०८५ पुगेको छ ।

कोरोना भाइरसबाट भारतमा मृत्यु हुनेको संख्या २७ पुगेको छ । ९५ जना भने कोरोना भाइरसको संक्रमणबाट निको भईसकेका छन ।