हामी सबैकाे संसारन्यूज

२६ चैत्र, काठमाडौं ।  नेपाल राष्ट्रिय कर्मचारी संगठन नेपाल राष्ट्र बैक, केन्द्रीय समितिले एक बिज्ञप्ति जारी गर्दै गभर्नरमा महाप्रसाद अधिकारीको नियुक्तिले राष्ट्र बैकको गरिमा र शाख उच्च हुने बिश्वास ब्यक्त गरेको छ ।
बिज्ञप्तिमा भनिएको छ ‘ महामारीको रुपमा विश्वभर फैलिएको कोरोना भाइरसको कारण हाल देश लकडाउनको अवस्थामा रहेको बिषम परिस्थितिमा पनि नेपाल सरकारले कोरोना विरुद्धको लडाईमा केहि उर्जा थपिने गरी समयमा नै केन्द्रीय बैकको गभर्नर नियुक्त गरेकोमा सर्व प्रथम नेपाल सरकारप्रति यस संगठन आभार व्यक्त गर्दछ ।’
‘ बैकिङ क्षेत्रको लामो अनुभव भएका सरल, कुशल, सक्षम एवं निडर व्यक्तित्वका धनि श्री महाप्रसाद अधिकारी नेपाल राष्ट्र बैकको गभर्नरमा नियुक्त हुनु भएकोमा बधाई तथा सफल कार्यकालको हार्दिक शुभकामना व्यक्त गर्दछौ ।’ बिज्ञप्तिमा उल्लेख छ ।
साथै बक्तब्यमा भनिएको छ ‘ आम कर्मचारीको हकहितलाई सुनिश्चित गर्दै नेपाल राष्ट्र बैकको गरिमा र शाखलाई उच्च पार्ने हरेक काममा यस संगठनले सदैब रचनात्मक सहयोग गर्ने प्रतिवद्धता समेत व्यक्त गर्दछ ।’