हामी सबैकाे संसारन्यूज

३० चैत्र, पर्वत । गण्डकी प्रदेश पर्वत जिल्लाको पैञ्युँ ५ मा ‘प्रभावकारी राहत वितरण भएको छ ।

पैञ्यु गाउँपालिकाको वडा नं ५ चिसापानीस्थित वडा कार्यालयमै बोलाएर राहत बाँडिएको जनाइएको छ ।

वडा अध्यक्ष उमाकान्त भूर्तेलका अनुसार विभिन्न गाउँ र टोलमा खबर गरी राहत आवश्यक पर्नेको नामावली संकलन गरेपछि वितरण प्रक्रिया सुरु भएको हो । नामावली आएका पनि कतिपय वडावासी राहत लिन नआएको एक स्वयम्सेवकले बताएका छन् ।

वडा अध्यक्ष उमाकान्त भुर्तेल ‘राजु’ र सदस्यहरु कृष्णप्रसाद भूर्तेल ‘केशव’ नामदेव न्यौपाने, सीता विक तथा वडा सचिव टुका भुर्तेल उपस्थित भै १४३ जनालाई वितरण गरिएको सो वडाले जनाएको छ ।

सो कार्यक्रममा सहजीकरणका लागि नेकपाका प्रकाश भूर्तेल, नेका वेनप्रसाद भूर्तेल लगायत अन्य सामाजिक व्यक्तित्वहरुको पनि उपस्थिति रहेको थियो ।