Sansar News
७ बैशाख, कतार । कतारमा हालसम्म ६२ हजार ५३८ मा कोरोना संक्रमणको परीक्षण गरिएकोमा संक्रमितको संख्या ५ हजार ४४८ पुगेको छ । पछिल्लो २४ घण्टामा ४४० जना नयाँ संक्रमित भेटिएका छन् ।
त्यसैगरी ४ हजार ९२२ जना उपचारका क्रममा रहेका छन् भने हालसम्म ५१८ जना निको भएका छन् । निको हुनेमा पछिल्लो २४ घण्टामा ८ जना रहेको कतार सरकारको जनस्वास्थ्य मन्त्रालयले आइतबार सूचना प्रकाशित गरेको छ ।
कतारमा शुक्रबारको तुलनामा शनिबार र आइतबार संक्रमितको संख्या केही संख्यामा घटेको हो । उक्त सूचनामा कतारमा हालसम्म ८ जनाको मृत्यु भएको विवरण उल्लेख गरिएको छ ।
वि.सं.२०७७ वैशाख ७ आइतवार १७:५३ मा प्रकाशित
