Sansar News
६ बैशाख, कतार । कतारमा कोरोना संक्रमणको आजको विवरण यसप्रकार रहेको छ ।
कतारमा आजसम्म ६० हजार १३१ जनाको स्वास्थ्य परीक्षण गरिएको छ । जसमा कोरोना संक्रमितको संख्या ५ हजार ८ पुगेको छ ।
पछिल्लो २४ घण्टामा कतारमा ३४५ जना नयाँ संक्रमित भेटिएका छन् । यो शुक्रबारको तुलनामा कम हो ।
शुक्रबार ५६० जना संक्रमित फेला परेकोमा शनिबार ३४५ जना मात्रै भेटिएका हुन् ।
त्यस्तै संक्रमित मध्ये पूर्ण स्वास्थ्यलाभ गरेकाको संख्या ५१० पुगेको छ । पछिल्लो २४ घण्टामा ४६ जना निको भएका हुन् ।
त्यस्तै मृत्यु हुनेको संख्या ८ पुगेको छ । पछिल्लो २४ घण्टामा एकजनाको मृत्यु भएको हो । उक्त जानकारी नेपाली दूतावास कतारद्धारा जारी सूचनाबाट लिइएको हो ।
वि.सं.२०७७ वैशाख ६ शनिवार १८:२९ मा प्रकाशित
