हामी सबैकाे संसारन्यूज

८ बैशाख, काठमाडौं । पर्यटन बोर्डले १ हजार पर्यटन क्षेत्रका मजदुरलाई रोजगारी दिने गृहकार्य सुरु गरेको छ ।

(यूएनडिपी) सँगको सहकार्यमा १ हजार जनालाई काम दिने गरी छलफल भइरहेको नेपाल पर्यटन बोर्डका प्रमुख कार्यकारी अधिकृत डा. धनन्यज रेग्मीले जानकारी दिएक छन् ।

पर्यटन क्षेत्रमा रहेका दक्ष कामदारलाई यो विपद्को बेलामा राहत दिने गरी बोर्डले रोजगारी सिर्जनाका लागि पहल सुरु गरेको हो । यस सम्बन्धमा यूएनडीपीसँग छलफल भइरहेको छ तर सम्झौता हुन बाँकी रहेको रेग्मीले जानकारी दिएको अन्नपूर्णपोष्ट दैनिकमा समाचार छ ।
सरकारले प्रधानमन्त्री स्वरोजगार कोष, राहत कोष, विभिन्न संघसंस्थासँग मिलेर रोजगारी सिर्जनाका लागि काम गरिरहेको छ । बोर्डले भने आफ्नै पहलमा मजदूर रोजगार दाताका लागि काम अघि बढाएको बताएको छ । यूएनडीपीसँगको प्रारम्भिक छलफल अनुसार हिमाल सरसफाई, पदमार्ग निर्माण, काठमाण्डौंका सम्पदा सरसफाई र नदी सफाईका लागि मजदूर परिचालन गरिनेछ ।

कार्यकारी अधिकृत रेग्मीका अनुसार दैनिक १ देखि २ हजारसम्म ज्याला पाउने गरी गृहकार्य भइरहेको छ ।