Sansar News
८ वैशाख, काठमाडौँ । नेपाल कम्युनिष्ट पार्टी(नेकपा)का केन्द्रीय सदस्य तथा काठमाडौँ जिल्ला कमिटीका सचिव हिमाल शर्माले काठमाडौँमा रहने कसैलाई भोको नराख्ने घोषणा गरेका छन् ।
नेकपा जिल्ला कार्यालय काठामाडौद्वारा जारी अपिललाई सार्वजनिक गर्दै उनले सञ्जालमार्फत सो प्रतिबद्धता जनाएका हुन् ।
अपिलमा भनिएको छ ‘खान बस्नको समस्याले कोहीले पनि काठमाडौँ छोड्नु नपर्ने भन्दा ‘तपाई जहाँ हुनुहुन्छ, त्यहि रहनुस ।’
यदि कोही समस्यामा पर्नुभएको छ भने वडाका जनप्रतिनिधि, जिल्ला समन्वय समिति, प्रदेश तथा संघीय सांसदहरुको सम्पर्कमा पुग्न अनुरोध गर्दै आवश्यक परेमा नेकपाको जिल्ला, नगर र वडा कमिटीहरु हरदम समन्वय गर्न तयार रहेको जनाइको छ ।
साथै काठमाडौँ जिल्लाका जिम्मेवार व्यक्तिहरुको नाम तथा सम्पर्क नम्बर समेत अपिलमा उपलब्ध गराइएको छ ।
वि.सं.२०७७ वैशाख ८ सोमवार १५:३८ मा प्रकाशित
