हामी सबैकाे संसारन्यूज

११ वैशाख । नेपाल कम्युनिष्ट पार्टी (नेकपा) का केन्द्रीय सदस्य तथा प्रवास समन्वय कमिटीका अध्यक्ष युवराज चौलागाइले सरकार तथा पार्टीमाथि लागेको संगीन आरोपको यथार्थ के हो स्पष्ट पार्न आग्रह गरेका छन् ।

सरकार र नेकपाका केही नेताहरुको समेत संलग्नतामा अर्को दलका केही सॉसदहरुलाई जबर्जस्ती होटलमा राखिएको र उनीहरुको दल दबाबमूलक ढंगले बिभाजन गर्न खोजिएको संगीन आरोप लागेको सन्र्दमा यस सम्बन्धी सत्य तथ्य के हो ? नेपाल सरकार र नेकपाले सार्वजनिक रुपमा प्रष्ट पार्नु पर्ने माग गरेका हुन् ।

‘यदि हो भने यो लज्जास्पद र अक्षम्य अपराध हो, हामीले खोजेको र नेपालको संविधानले परिकल्पना गरेको व्यवस्था कदापि त्यस्तो होइन’, उनी भन्छन् ।

त्यसप्रकारको घटना भएको होइन भने यो निकै गम्भीर कुरा भएकाले सरकार चुप लागेर बस्न नहुने सरकार र नेकपाले संस्थागत रुपमा त्यसको प्रतिवाद गर्नुपर्ने पनि उनको माग छ ।