हामी सबैकाे संसारन्यूज

१२ बैशाख, काठमाण्डौं । बिहिबार बेलुका कोरोना भाइरस (कोभिड–१९) संक्रमण पुष्टि भएका युवा साउदीबाट आएको स्वास्थ्य तथा जनसंख्या मन्त्रालयले जानकारी दिएको छ ।

साउदीबाट फागुन ३० गते हिमालयन एयरबाट काठमाण्डौं ओर्लिएका ती युवा काठमाण्डौंमा केहीदिन बसेर उदयपुर हुँदै भोजपुर पुगेका थिए । भोजपुरमा आरडिटी (र्यापिड डाइग्नोष्टिक) परीक्षणका क्रममा संक्रमण पोजेटिभ दखिएको थियो । पिसीआर परीक्षणमा पनि उनमा संक्रमण पोजेटिभ देखिएको थियो ।

हाल उनीसँग उदयपुरमा सम्पर्कमा आएकाहरुको नमुना लिइसकिएको पनि स्वास्थ्य मन्त्रालयले जानकारी दिएको छ ।

उनीसँग नेपालमा संक्रमितको संख्या ४८ पुगेको छ । जसमा १० जना उपचारपछि निको भएर घर फर्किएका छन् भने ३८ जनाको विभिन्न अस्पतालमा उपचार भइरहेको छ । जसमा बाग्लुङमा १, धनगढीमा १, विरगन्जमा ५, भरतपुरमा २ र विराटनगरमा २८ जना गरेर जम्मा २८ जनाको उपचार भइरहेको छ । उपचाररत सबैको स्वास्थ्य सामान्य रहेको बताइएको छ ।

त्यस्तै भोजपुरका युवालाई पनि उपचारका लागि विराटनगर ल्याइदै गरेको स्वास्थ्य मन्त्रालयले जानकारी दिएको ।

अपडेटः थप एकजनामा कोरोना संक्रमण भएको पुष्टि, संक्रमतिको संख्या ४८ पुग्यो