Sansar News
६ पुस, काठमाडौँ । अख्तियार दुरुपयोग अनुसन्धान आयोगले नक्कली शैक्षिक प्रमाणपत्र पेस गरी नियुक्ति लिने शिक्षिका विमलाकुमारी यादवविरुद्ध आरोपपत्र दायर गरेको छ ।
सप्तरीको शारदा राष्ट्रिय निम्न माध्यामिक विद्यालयमा कार्यरत शिक्षिका यादवको शैक्षिक योग्यताको प्रमाणपत्र उपर छानबिन हुँदा नक्कली देखिएको आयोगले जनाएको छ ।
आयोगले शिक्षिका यादवलाई भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन माग दाबी गरी आज विशेष अदालतमा आरोपपत्र दायर गरेको हो ।
वि.सं.२०७३ पुस ६ बुधवार १२:१० मा प्रकाशित
