हामी सबैकाे संसारन्यूज

१९ वैशाख । सरकारको ध्यान यता जाला त ? नेपाल एयरलाइन्सले आगामी ६ मेमा अष्ट्रेलियाको सिड्नीमा चार्टर्ड उडान गर्ने भएको छ । नेपालमा रहेका अष्ट्रेलियाली नागरिकलाई फर्काउन दूतावासले उक्त उडानको पहल गरेको हो । यात्रु स्वयमले टिकट काट्ने गरी यसअघि पनि दूतावासले नेपाल एयरलाइन्सको जहाज चार्टर्ड गरी ब्रिस्वेन उडाएको थियो १ अप्रिलमा । यो उडान नेपाल एयरलाइन्सको दोस्रो अष्ट्रेलिया उडान हुनेछ ।

अष्ट्रेलिया सरकारले आफ्ना नागरिकको सुरक्षालाई प्राथमिकता दिने भएकाले चार्टर्ड उडानका लागि पहल गरेको दूतावासले जनाएको छ ।

आँफैले पहल नगरे पनि नेपाल सरकारले अस्ट्रेलियाबाट कोरोना समस्याका कारण नेपाल फर्कन चाहने नेपालीहरुलाई सिड्नीबाट फर्कने क्रममा यही उडानलाई सदुपयोग गरेर सरकारको जनताप्रतिको दायित्वलाई पुरा गर्नतिर लागेको छ छैन यकिन त भएन, तर त्यसो गर्न सक्ता राम्रो हुन्थ्यो ।