हामी सबैकाे संसारन्यूज

२० बैशाख, काठमाण्डौं । नेपालमा शनिबार (बैशाख २० सम्म) ६१ हजार ६२७ जनामा कोरोना परीक्षण गरिएको छ । जसमा पछिल्लो २४ घण्टामा १,२५२ जनामा परीक्षण गरिएको स्वास्थ्य तथा जनसंख्या मन्त्रालयले जनाएको छ ।

आजसम्म पिसीआर प्रविधिबाट १३ हजार ९८ र आरडिटी प्रविधिबाट ४८ हजार ५२९ जनामा परीक्षण गरिएको हो ।

प्रदेश विवरण
त्यसैगरी प्रदेश नं १ मा ५ हजार २८२, प्रदेश नं २ मा ५ हजार ६८७, बाग्मती प्रदेशमा ५ हजार ५१५ गण्डकी प्रदेशमा ५ हजार ४११ प्रदेश नं ५ मा ४ हजार २४०, कर्णाली प्रदेशमा ५ हजार ५७१ र सुदूरपश्चिम प्रदेशमा १३ हजार ८२३ जनामा आरडिटी परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा २२ हजार ९७८ जना रहेका छन् । जसमा प्रदेश नं १ मा २ हजार ८६५, प्रदेश नं २ मा १ हजार ३९१, बाग्मती प्रदेशमा ५११, गण्डकी प्रदेशमा ६३२, प्रदेश नं ५ मा ११ हजार ३०४ कर्णाली प्रदेशमा ३ हजार २७५ र सुदूरपश्चिम प्रदेशमा ३ हजार जना रहेको स्वास्थ्य मन्त्रालयले शनिबारको नियमित पत्रकार सम्मेलनमा जानकारी दिएको छ ।

आइसोलेसन र रेडजोनमा
त्यसैगरी हालसम्म आइसोलेसनमा ८९ जना रहेका छन् । जसमा उपत्यकामा ४ जना र बाहिरका अस्पतालमा ८५ जना रहेका छन् । साथै आजसम्म रेडजोन संभावित संक्रमति) मा रहेकाको संख्या ३१९ पुगेको छ । उनीहरुको कन्ट्याक ट्रेसिङ कार्य भइरहेको बताइएको छ ।
त्यसैगरी आजसम्म कूल संक्रमतिको संख्या ५९ रहेको छ भने १६ जना निको भएर घर फर्किइसकेका छन् । जसमा पुरुष ४९ र महिला १० जना रहेका छन् ।

उनीहरुमध्ये रुपन्देहीमा १, नेपालगन्जमा १, भरतपुरमा १ धनगढीमा १, विरगन्जमा ८ र विराटनगर अस्पतालमा ३१ जना गरी जम्मा ४३ जनाको उपचार भइरहेको छ । उनीहरुको अवस्था सामान्य रहेको बताइएको छ ।