Sansar News
२१ बैशाख, काठमाण्डौं । नेपालमा आज (आइतबार) १० जनामा कोरोना संक्रमण भएको पुष्टि भएको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार आज थपिएका १० जनामा पर्सामा ३६ वर्षीय १ जना पुरुष र नेपालगन्जको प्रयोगशालामा परीक्षण गर्दा ९ जनामा संक्रमण पुष्टि भएको छ ।
उनीहरुमा ५ पुरुष र ४ महिला रहेका छन् । जसमा ७ देखि ५८ वर्ष उमेरका रहेको मन्त्रालयले जानकारी दिएको छ । हालसम्म संक्रमितको संख्या ६९ पुगेको छ । जसमा १६ जना निको भएर फर्किएका छन् । उनीहरुको उपचारका लागि अस्पताल ल्याउँदै गरिएको बताइएको छ ।
वि.सं.२०७७ वैशाख २१ आइतवार १६:४२ मा प्रकाशित
