हामी सबैकाे संसारन्यूज

२१ बैशाख, काठमाण्डौं । प्रधान सेनापति पूर्णचन्द्र थापाले रथीमा पदोन्नती भएका प्रभुराम शर्मा तथा उपरथीमा पदोन्नति भएका आनन्द कुमार अधिकारी र संजय थापालाइ दज्र्यानी चिन्ह चिन्ह प्रदान गरेका छन् ।

मन्त्रिपरिषद्को बैशाख १४ गतेको निर्णय बमोजिम बैशाख १९ गतेबाट रथीमा पदोन्न्ति भएका शर्मालाई आइतबार जंथी अड्डामा आयोजित एक कार्यक्रममा प्रधान सेनापति थापाले रथी दज्र्यानी चिन्ह्र प्रदान गरेका हुन् ।

सोहि अवसरमा मन्त्रिपरिषद्को बैशाख १४ कै निर्णय बमोजिम उपरथी दर्जामा पदोन्नति भएका सहायक रथी आनन्द कुमार अधिकारी र संजय थापालाई समेत प्रधान सेनापतिद्धारा उपरथीको दज्र्यानि चिन्ह प्रदान गरिएको छ ।

रथी दर्जामा पदोन्नती भएका रथी शर्मालाई बलाध्यक्षको जिम्मेवारी दिईएको छ भने उपरथी दर्जामा पदोन्नती भएका उपरथी अधिकारीलाई उपत्यका पृतना हे.क्वाको पृतनापति र उपरथी थापालाई मध्य पश्चिम पृतना हे.क्वाको पृतनापतिको जिम्मेवारी दिइएको बताइएको छ ।  उक्त कार्यक्रममा नेपाली सेनाका रथीबृन्द तथा अधिकृतहरुको उपस्थिती रहेको थियो ।