हामी सबैकाे संसारन्यूज

२३ बैशाख, काठमाण्डौं । नेपालमा मंगलबार (बैशाख २३ सम्म) ६६ हजार ७७ जनामा कोरोना परीक्षण गरिएको छ । जसमा पछिल्लो २४ घण्टामा १,५८२ जनामा परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार आजसम्म पिसीआर प्रविधिबाट १३ हजार ८५० र आरडिटी प्रविधिबाट ५२ हजार २२७ जनामा परीक्षण गरिएको हो । पछिल्लो २४ घण्टामा देशैभरी जम्मा२१० वटा पिसीआर नमुना परीक्षण गरिएको हो ।

प्रदेश परीक्षण विवरण
त्यसैगरी प्रदेश नं १ मा ६ हजार २२, प्रदेश नं २ मा ५ हजार ७७८, बाग्मती प्रदेशमा ८ हजार ९४०, गण्डकी प्रदेशमा ६ हजार ७४, प्रदेश नं ५ मा ५ हजार १९३, कर्णाली प्रदेशमा ५ हजार ८७६ र सुदूरपश्चिम प्रदेशमा १४ हजार २४४ जनामा आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा २१ हजार ९९ जना रहेका छन् । जसमा प्रदेश नं १ मा २ हजार १२४, प्रदेश नं २ मा १ हजार २९०, बाग्मती प्रदेशमा २५८, गण्डकी प्रदेशमा ७२६, प्रदेश नं ५ मा ८ हजार ९२२, कर्णाली प्रदेशमा ३ हजार ७५१ र सुदूरपश्चिम प्रदेशमा ४ हजार २५ जना रहेको स्वास्थ्य मन्त्रालयले मंगलबारको नियमित पत्रकार सम्मेलनमा जानकारी दिएको हो ।

आइसोलेसन र रेडजोनमा
त्यसैगरी हालसम्म आइसोलेसनमा १२० जना रहेका छन् । जसमा उपत्यकामा २ जना र बाहिरका अस्पतालमा ११८ जना रहेका छन् । साथै आजसम्म रेडजोन (संभावित संक्रमति) मा रहेकाको संख्या ३३० पुगेको छ । पछिल्लो २४ घण्टामा २ जना थपिएका हुन् । उनीहरुको कन्ट्याक ट्रेसिङ कार्य भइरहेको बताइएको छ ।
त्यसैगरी नेपालमा हालसम्म ८२ जनामा संक्रमण देखिएको छ । त्यसमा १६ जना निको भएर घर फर्किइसकेका छन् ।

कुन प्रदेशमा कति संक्रमित
हालसम्मा संक्रमित भएकामध्ये प्रदेश १ मा ३१, प्रदेश २ मा १३, बाग्मती प्रदेशमा ७, गण्डकी प्रदेशमा २ प्रदेश ५ मा २४ र सुदूरपश्चिम प्रदेशमा ५ जना संक्रमित भएको तथ्यांक रहेको छ । सातैवटा प्रदेशमध्ये कर्णाली प्रदेशमा अहिलेसम्म संक्रमित भेटिएका छैनन् ।

थप ७ जनामा कोरोना संक्रमणको पुष्टि, नेपालमा संक्रमितको संख्या ८२ पुग्यो

आज नेपालमा गन्जमा पुष्टि भएका ७ जनासँगै हालसम्म नेपालमा ८२ जनामा संक्रमण देखिएको छ । जसमा ६१ पुरुष र २१ जना महिला रहेका छन् । ८२ मध्ये १६ जना निको भइसकेको हुनाले ६६ जनाको विभिन्न अस्पतालमा उपचार भइरहेका छन् ।

जसमा रुपन्देही १, नेपालगन्ज २३, धनगढी १, भरतपुर १, विरगन्ज ९ र विराटनगर अस्पतालमा ३१ जना गरेर जम्मा ६६ जनाको उपचार भइरहेको छ ।  उनीहरुको अवस्था सामान्य रहेको पनि मन्त्रालयले जानकराी दिएको छ ।

जुम्लामा पनि पिसीआर प्रविधिबाट परीक्षण सुरु
कर्णाली प्रदेशको जुम्लामा पनि सोमबारबाट पिसीआर प्रविधिबाट जाँच सुरु भएको छ । यो सँगै देशैभरीका १८ ठाउँबाट पिसीआर प्रविधिबाट नमुना जाँच सुरु भइसकेको पनि स्वास्थ्य मन्त्रालयले जानकारी दिएको छ ।

यस्तो छ नेपालमा आजको कोरोना अपडेट,आइसोलेशनमा १०६ र रेडजोनमा ३२८ जना