हामी सबैकाे संसारन्यूज

२५ बैशाख, काठमाडौँ । टि-२० विश्व कपको फाइनल खेलमा डेब्यु गरेर टि-२० विश्व विजेता बन्न सफल एकमात्र खेलाडी युसुफ पठान हुन । २००७ मा उनले आफ्नो अन्तराष्ट्रिय क्रिकेट करियरको डेब्यु भारत र पाकिस्तान बिचको फाइनल खेलबाट गरेका थिए ।

त्यस खेलमा भारतले पाकिस्तानलाई पराजित गर्दै विश्व विजेता बन्न सफल भएको थियो । फाइनल खेल अघि भारतका ओपनर वीरेन्द्र सेहवाग चोटिल भएर टिमबाट बाहिरीएका थिए । विरेन्द्र सेहवाग चोटिल भएपछि उनको स्थानमा युसुफ पठानले मौका पाएका थिए ।

त्यस खेलमा उनले भारतका लागि ओपनिङ्ग गरेका थिए । उनले ओपनिङ्ग गर्दै ८ बलका १५ रन बनाएका थिए । त्यस क्रममा उनले १ चौका र १ छक्का समेत प्रहार गरेका थिए । त्यस खेलमा भारतले पाकिस्तानलाई ५ रनले पराजित गर्दै विश्व विजेता बनेको थियो ।

टि-२० विश्वकपको फाइनल खेलमा आफ्नो अन्तराष्ट्रिय क्रिकटमा डेब्यु गरेर विश्व विजेता बनेका युसुफ पठानको यो वल्ड रेर्कड सायद कहिल्लै तोडिने छैन ।