Sansar News
१० जेठ, काठमाण्डौं । धापासीस्थित ग्राण्डि अस्पतालका कर्मचारीमा कोरोना संक्रमण पुष्टि भएको छ । काठमाण्डौं गोकणेश्वरका बासिन्दा उनी अस्पतालको कर्मचारी भएको बताइएको छ ।
उनमा कोरोना संक्रमण पुष्टि भएपछि ग्राण्डि अस्पताललाई सिल गरेर उनीसँग सम्पर्कमा आएकाहरुको कन्ट्रयाक ट्रेसिङको कार्य भइरहेको बताइएको छ ।
त्यसैगरी महाराजगन्जको मनमोहन कार्डियो थोरासिक भास्कुलर एण्ड ट्रान्सप्लान्ट सेन्टरमा पनि उपचारका लागि आएकी एक महिलामा कोरोना संक्रमण पुष्टि भएको छ ।
केहिदिन अघि श्वास प्रस्वासमा समस्या भएर आएकी उनी मकवानपुर हेटौडाकी महिला हुन् ।
उनलाई श्वास प्रस्वासमा समस्या देखिएपछि हेटौडा अस्पतालले केहीदिन अघि मनमोहनमा कार्डियो थोरासिकमा रेफर गरेको थियो ।
वि.सं.२०७७ जेठ १० शनिवार १६:१८ मा प्रकाशित
